Sanna: „Engin velferðarborg sættir sig við þá staðreynd að fjöldi barna fari svöng að sofa“

Sanna Magda­lena Mörtu­dóttir segir að ekki sé hugað að öllum íbúum Reykja­vík­ur­borgar, hinir fátæku sitji á hak­anum.

Borg­ar­full­trúi Sós­í­alista­flokks­ins, Sanna Magda­lena Mörtu­dóttir, skrif­aði færslu á Facebook þar sem hún fór yfir fund borg­ar­stjórnar Reykja­víkur um fátækt og ójöfnuð sem hald­inn var á dög­unum en þar barst talið að fátækt barna. „Ég hélt að umræðan um slíkt yrði auð­veld­ari með tím­anum en það er ekk­ert auð­velt við það að ræða um fátækt og birt­ing­ar­myndir hennar,“ skrifar Sanna og fer svo yfir skila­boð hennar á fund­inum.

Segir Sanna að á síð­asta borg­ar­stjórn­ar­fundi hafi full­trúar meiri­hlut­ans dregið upp mynd af Reykja­vík­ur­borg þar sem Dagur B. Egg­erts­son, fyrr­ver­andi borg­ar­stjóri, hafi látið eft­ir­far­andi orð falla: „Þetta er jafn­að­ar­borg, þetta er vel­ferð­ar­borg og þetta er borg sem hugsar til fram­tíðar, mjög langrar fram­tíðar.“ Segir hún Dag einnig hafa talað um að taka þurfi ákvarð­anir út frá stað­reyndum og gögnum. Þá vitnar hún einnig í Heiðu Björg Hilm­is­dóttur, borg­ar­full­trúa Sam­fylk­ing­ar­innar, sem sagði meðal ann­ars: „Núna erum við stödd hér á ára­tug upp­bygg­ingar hús­næðis, það er hugað að öllum íbúum borg­ar­innar, ólíkum hópum.“

Sanna segir þetta ósatt. „Slíkt er fjarri lagi þar sem stór hópur er sífellt skil­inn eftir í hús­næð­iskrísu. Svo ég vísi í tölur og gögn þá bíða nú 691 eftir almennu félags­legu leigu­hús­næði vegna mjög erf­iðra félags­legra- og fjár­hags­legra aðstæðna og þurfa að gera ráð fyrir því að bíða í um 16 mán­uði eftir við­eig­andi hús­næði.“ Bætir hún svo við: „Og þá hef ég ekki nefnt þau sem búa við skort og erf­iðar og hættu­legar hús­næð­is­að­stæður en kom­ast þó ekki inn á þennan biðlista. Ekki met­inn í nægi­lega mik­illi þörf, þó að þau séu fátæk. Veru­leik­inn sem blasir við okkur er and­stæða borgar sem hugar að öllum íbúum borg­ar­innar.“

Sönnu er einnig umhugað um heim­il­is­lausa karl­menn. „Borg sem hugar að ólíkum hópum myndi svara þeirri eðli­legri kröfu heim­il­is­lausra karl­manna um að fá að dvelja inni í skjóli frá frost­hörkunni. Og nei það leysir ekki vand­ann að þurfa að fara úr gisti­skýli klukkan 10 um morg­un­inn til þess að koma þér á annan stað sem tekur ekki á móti þér fyrr en klukkan tvö um dag­inn.“Lokaorð Sönnu eru sterk. „Engin vel­ferð­ar­borg sættir sig við þá stað­reynd að fjöldi barna fari svöng að sofa vegna þess að það er ekki til matur heima, engin vel­ferð­ar­borg sendir skuldir fátæktra Reyk­vík­inga til inn­heimtu­fyr­ir­tækja sem hagn­ast á vanda þeirra.Fátækt er stað­reynd í þess­ari borg sem og ójöfn­uður. Það er ekki hugað að öllum íbúum borg­ar­innar, þar sem stór hópur er alltaf skil­inn eftir til að glíma við fátækt­ina og draga þungu afleið­ingar hennar með sér í gegnum lífið.Við vinnum ekki gegn fátækt með því að segja að hér sé allt í himna­lagi.“