Jay Leno sækir um forræði yfir eiginkonu sinni vegna „heilabilunar og skapröskunar“

Jay Leno hefur sótt um að fá for­ræði yfir eig­in­konu sinni, Mavis Elizabeth Leno, vegna þess að hún þjá­ist af heila­bilun.

Samkvæmt dóm­skjölum sem ET hefur undir höndum, hefur spjall­þátta­goð­sögnin Jay Leno, lagt fram beiðni fyrir hæsta­rétt Los Angeles-sýslu, um að dóm­ar­inn við rétt­inn gefi honum for­ræði yfir eig­in­konu sinni, svo að hann geti skipu­lagt líf­eyr­is­sjóð hennar og aðrar bús­á­ætl­anir. Í dóms­skjöl­unum kemur fram að Leno „vilji stofna sjóð til að halda helm­ings­hlut sínum og Mavis í sam­fé­lags­eign þeirra, til að tryggja að Mavis hafi stýrðar eignir sem nægja til að sjá fyrir umönnun hennar,“ ef hann skyldi deyja á undan henni.

Í beiðn­inni segir „Mavis hefur smám saman verið að missa getu og skynjun á tíma og rúmi í nokkur ár“ og að „Jay sé full­kom­lega fær um að halda áfram að styðja við lík­am­legar og fjár­hags­legar þarfir Mavis, eins og hann hefur gert í gegnum hjóna­bandið,“ en hennar „núver­andi ástand gerir henni ófært að skipu­leggja bús­á­ætl­un­ina.“ Í umsókn­inni kemur einnig fram að Mavis, 77 ára, hafi verið í með­ferð vegna „heila­bil­unar og skaprösk­unar.“

Ekki er ljóst hvenær Mavis, sem gift hefur verið grínist­anum í 43 ár, var greind með heila­bilun en í lækna­skýrslu frá því í nóv­em­ber, og er lögð fram fyrir hæsta­rétt­inn, segir að Mavis hafi þjáðst af skertu minni, ein­beit­inga­skorti og erf­ið­leikum með að nota skyn­sem­ina.

Enn­fremur segir Leno í dóms­skjöl­unum að sem for­ræð­is­maður Mavisar, geti hann haft umsjón með búinu, „sem mun sjá fyrir Mavis og bróður Mavis [sem er] eini lif­andi erf­ingi hennar fyrir utan Jay.“