Örlög Grey’s Anatomy ráðin: „Ég gæti ekki verið þakklátari“

Ljóst er orðið að hinir gríð­ar­vin­sælu lækna­þættir Grey’s Anatomy muni ekki hætta alveg strax en ABC hefur til­kynnt að 21. þátta­röðin verði gerð. Þar með heldur lengsta lækna­drama­þátta­röð sem sýnd hefur verið í banda­rísku sjón­varpi á besta tíma (e. pri­metime), að sögn höf­undar þátt­ar­ins, Shonda Rimes.

„Tryggð og ást Grey’s Anatomy aðdá­enda hefur knúið okkur til þess að gera 21. þátta­röð­ina,“ sagði hún við E! News í yfir­lýs­ingu þann 1. apríl og bætti við: „Og ég gæti ekki verið þakk­lát­ari.“

Rimes stað­festi einnig að sýn­inga­stjór­inn Meg Marinis, sem tók við af Krista Vernoff í lok 19. þáttar­að­ar­innar, muni halda áfram að gegna núver­andi hlut­verki sínu. Hún hrós­aði Marinis og kall­aði frá­sagn­ar­list hwnnE „gjöf sem heldur áfram að halda þætt­inum ferskum, sann­fær­andi og lif­andi.“ Bætti Rimes við: „Ég get ekki beðið eftir að sjá hvað hún býður upp á í næstu þátta­röð.“

Fréttir af áfram­hald­inu koma aðeins vikum eftir frum­sýn­ingu 20. þáttar­aðar Grey’s Anatomy, þeirri fyrstu síðan Ellen Pompeo hætti sem Meredith Grey. Hins vegar er leik­konan áfram hluti af þátt­unum sem sögu­maður, þar sem ný kyn­slóð lækna og starfs­nema, þar á meðal Natalie Morales, Nico Terho og Midori Francis, mæta til leiks.

„Ég verð aðeins að hræra í þessu,“ útskýrði Pompeo árið 2022 þegar hún ákvað að draga úr fram­komu sinni í þátt­unum. „Heilinn minn er eins og hrært egg. Ég verð að gera eitt­hvað nýtt. Það er ekki hægt að gera The New York Times kross­gátu á hverjum ein­asta degi.“

Nú eru aðeins tveir aðrir upp­runa­legir leik­arar eftir í Grey’s þátt­unum: Chandra Wilson (Miranda Bailey) og James Pickens Jr. (Richard Webber). En tvíeykið mun alltaf finna fyrir nær­veru Meredith á Gray Sloan Memorial spít­al­anum.

„Hvað sögu­tóna okkar snertir, þá erum við enn með þessa Meredith-rödd þar,“ sagði Wilson við E! News árið 2022. „Það sem við höfum lært með tím­anum er að Grey’s við­heldur stemmn­ing­unni sinni, sama hver er þarna, sama hvaða per­sónur eru þarna.

Pickens Jr. tók undir það og bætti við að kollegi þeirra „muni sveima yfir sýn­ing­unni svo lengi sem þátt­ur­inn er til“.