Sonur boxgoðsagnar framdi sjálfvíg um helgina: „Ekkert er þess virði að svifta sig lífi vegna“

Sonur box­goð­sagn­ar­innar Roy Jones Jr. framdi sjálfs­víg á laug­ar­dag­inn.

Hinn 55 ára fyrrum box­ari, Roy Jones Jr. birti til­kynn­ingu á sam­fé­lags­miðl­unum í gær þar sem hann sagði frá harm­leiknum: „Því miður framdi DeAndre sonur minn sjálfs­víg á laug­ar­dag­inn.“

Jones Jr. sagði einnig að hann hefði verið með DeAndre kvöldið áður en hann lést. „Ég er svo þakk­látur Guði að leyfa mér að koma heim á föstu­dags­kvöld svo hann eytt síð­ustu kvöld­stund lífs síns með mér og fjöl­skyld­unni. Ég veit að margir eiga um sárt að binda um þessar mundir en ekk­ert er þess virði að svifta sig lífi vegna. Guð gefur það [lífið] og ætti að vera sá sem tekur það.“

Jones Jr. þakk­aði aðdá­endum sínum fyrir stuðn­ing­inn en óskaði eftir næði svo fjöl­skyldan geti syrgt í friði.

Roy Jones Jr. er einn besti box­ari síns tíma og var heims­meist­ari í mörgum þyngd­ar­flokkum. Hann hefur unnið 66 sigra á ferl­inum, þar af 47 með rot­höggi.

TMZ sagði frá and­lát­inu.

Ef ein­stak­ling­ar glíma við sjálfs­vígs­hugs­an­ir er bent er á Hjálp­arsíma Rauða kross­ins 1717 og net­spjall Rauða kross­ins 1717.is. Opið allan sól­ar­hring­inn. Einnig má hafa sam­band við Píeta-sam­tök­in sem veita ókeyp­is ráð­gjöf í síma 552-2218, allan sól­ar­hring­inn. Net­spjall Heilsu­veru þar sem svarar hjúkr­un­ar­fræð­ingur er líka opið frá kl.8-22 alla daga. Fyrir þau sem misst hafa ást­vin í sjálfs­vígi má fá stuðn­ing í sorg hjá Sorg­ar­mið­stöð og hjá Pieta sam­tök­unum.