Lögreglustjórinn Nathan Lanham komst heldur betur í fréttirnar vestanhafs þegar hótaði að skjóta konu í Marion-sýslu í Vestur Virginíu-fylki í Bandaríkjunum í síðustu viku.
Konan, sem heitir Beth Delloma, er sögð hafa flúið frá lögreglustjóranum sem var að sinna hefðbundnu umferðareftirliti. Á hann að hafa stoppað Delloma og komist að því að bílinn hennar þyrfti að fara í skoðun og væri í raun ólöglegur í akstri. Delloma leist ekkert á það og flúði í burtu í kjölfarið. Ekki liggur fyrir hversu lengi hún var á flótta en á myndbandi sem náðist af handtöku hennar má sjá bílinn hennar kyrrstæðan á grasflöt við göngustíg.
Á myndbandinu sést einnig Lanham beina byssu sinni að Delloma meðan hún situr inn í bílnum og heyrist í lögreglustjórinn hóta að skjóta Delloma en hún neitaði að fara út úr bílnum. Í myndbandinu sést lögreglustjórinn einnig brjóta rúðu í bílnum með sleggju. Á endanum fer Delloma út úr bílnum og er handjárnuð af Lanham.
Hún var ákærð fyrir að flýja vettvang og stofna öðrum í hættu en dómari málsins vísaði því frá. Íbúar Marion-sýslu hafa ákveðið að halda fund um atvikið og ræða hvað átti sér stað.
Athugasemdir