Taylor Swift þarf alltaf að vera skrefi á undan paparrössunum en nýtt myndband sýnir hana og tvær frægar vinkonur hennar laumast út af veitingastað í Los Angeles til að forðast myndavélar óðra ljósmyndara.
Myndbandið, sem var tekið í janúar, en birtist á TikTok á sunnudag, sýnir Taylor, Brittany Mahomes og Lyndsay Bell gangandi í gegnum eldhúsið á Spago Wolfgang Puck-veitingastaðnum í Beverly Hills, eftir máltíð þeirra.
Nokkrir karlkyns starfsmenn veitingastaðarins sjást leiða poppstjörnuna og vinkonur hennar í gegnum eldhúsið, væntanlega þar sem þær geta smeygt sér hljóðlega í gegnum bakhurð til að komast hjá papparössunum sem biðu átekta fyrir framan veitingastaðinn.
Taylor glottir, veifar og þakkar starfsmönnunum og það sama gerir Lyndsay, en Brittany lætur sér nægja að brosa til starfsfólksins.
Vinkonurnar þrjár eiga allar eitt sameiginlegt. Þær eru allar annað hvort að deita eða eru giftar leikmönnum Kansas City Chiefs.
Eins og flestir vita hefur Taylor verið að hitta Travis Kelce í meira en ár, á meðan Brittany er gift bakverðinum Patrick Mahomes og Lyndsay er gift Blake Bell.
Taylor er nú að ljúka við hina sögulega „Eras“ tónleikaferð sína en aðeins eru þrjár sýningar eftir en þær verða í Vancouver, Kanada dagana 6.-8. desember.
Hér má sjá hið umtalaða myndskeið:
Athugasemdir