Dagur kveður samstarfsfólk sitt hjá borginni: „Ég stíg stoltur frá borði“

„Á afmæl­is­dag­inn minn, 19. júní 2003, var þessi alvar­legi gaur til vinstri – ég – kos­inn í fyrsta skipti inn í borg­a­ráð sem aðal­maður. Þetta reynd­ist frá­bært tæki­færi því í gegnum fundi borg­ar­ráðs er hægt að öðl­ast yfir­sýn og inn­sýn í öll mál­efni borg­ar­innar og tæki­færi til að hafa bein áhrif á þróun hennar og allar lyk­ilá­kvarð­anir. Í borg­ar­ráði hef ég síðan setið sem aðal­maður, for­maður eða borg­ar­stjóri óslitið allar götur síðan. Þar til í dag. Í morgun sat ég sum sé minn síð­asta borg­ar­ráðs­fund.“ Þannig hefst Facebook-færsla sem Dagur B. Egg­erts­son birti fyrir stundu en hann tekur senn sæti á Alþingi fyrir Sam­fylk­ing­una. Athygli hefur vakið að enn sem komið er hafi Dagur ekki fengið neina ábyrgð­ar­stöðu hjá flokknum, þrátt fyrir að hafa gengt emb­ætti borg­ar­stjóra um ára­bil. Færslan hélt áfram:

„Það þarf ekki að hafa mörg orð um það Reykja­vík hefur tekið algerum stakka­skiptum á þessum tíma – og eflst hvert og hvar sem litið er. Um það hef ég reyndar skrifað heila bók, Nýju Reykja­vík, og ætla ekki að orð­lengja hér að sinni.“

Að lokum þakkar Dagur sam­starfs­fólki sínu í borg­ar­ráði fyrir „ein­stakt sam­starf“.

„Ég vil hins vegar þakka öllu mína frá­bæra sam­starfs­fólki í borg­ar­ráði gegnum árin kær­lega fyrir ein­stakt sam­starf. Og þar geri ég ekki grein­ar­mun á borg­ar­full­trúum, hinu ein­staka starfs­fólki borg­ar­innar og borg­ar­ráðs eða ótölu­legum fjölda sam­starfs­að­ila. Ég stíg stoltur frá borði í borg­ar­ráði og ang­ur­væri gaur­inn – ég – til hægri, þakkar fyrir sig!

Á þriðju­dag­inn tekur svo borg­ar­stjórn fyrir lausn­ar­beiðni mína vegna fyr­ir­hug­aðrar þing­setu.“