Atli Þór sendir pílur á Brynjar Níelsson: „ECHR dómur er ferðalag sem ágætt er að forðast“

„Ég óska Brynjari Níels­syni til ham­ingju með dóm­ara­sætið. Eins og hann sjálfur hefur nú sagt á Facebook þá fylgir það starf­inu að geta ekki ælt yfir allt og alla lengur.“ Þannig hefst færsla Atla Þórs Fanndals um þær fregnir að Brynjar Níelsson hafi hlotið dóm­ara­sæti við Hér­aðs­dóm Reykja­víkur. Segir Atli Þór að um tvennt sé um að ræða fyrir Brynjar:

„Það er því um tvennt að ræða. Hann hagar sér eða hagar sér ekki. Í kveðjupistl­inum gat hann þó að sjálf­sögðu ekki sleppt því að nefna ónefndan hóp fólks sem er vont við hann… „Stjórn­sýslu­fræð­ingar, ekki síst sjálf­skip­aðir, hafa tekið til máls í fjöl­miðlum og sam­fé­lags­miðlum eftir að þessi tíma­bundna setn­ing mín í starf hér­aðs­dóm­ara var kunn­gerð. Má ráða af þeim skrifum að ég sé meira og minna van­hæfur til dóm­starfa vegna þess að ég hef verið í stjórn­málum og tjáð skoð­anir á þeim vett­vangi.“ Þið sem fallið þarna undir hafið það í huga að mað­ur­inn hefur opin­ber­lega séð ástæðu til að tala niður til ykkar og því ekki ein­falt mál að treysta á sann­gjarna með­ferð.“

Þá bendir Atli Þór á í Facebook-færsl­unni að Brynjar hafi einnig talað um fjöl­miðla í kveðjupistli sínum:

„Um fjöl­miðla í pistl­inum segir: „Senni­lega hef ég haft fleiri les­endur en miðl­arnir sem fá styrk­ina frá skatt­greið­endum en geta ekki einu sinni farið rétt með stað­reyndir um eft­ir­laun hér­aðs­dóm­ara.“ Þeir blaða­menn og fjöl­miðlar sem hafa leyft sér annað en full­komnum eru von­andi með­vit­aðir um þetta líka. Það er ástæðu­laust að ætla sann­gjarna með­ferð frá manni sem telur fjöl­miðla svo ömur­lega.“

Að lokum kemur Atli Þór með heilla­ráð handa Brynjari:

„Brynjar þú manst bara að þegar á reynir skiptir ekki máli hvar maður er heldur hvert maður er að fara… ECHR dómur er ferða­lag sem ágætt er að forð­ast.Sig­ur­veg­arar bera með sér reisn.“