Gestur Sjóarans að þessu sinni er Anna Kristjánsdóttir, vélfræðingur. Anna var til sjós í 25 ár en nýtur lífisns í dag á Tenerife eins og lesa má í daglegum dagbókarfærslum hennar á Facebook sem hefur notið mikilla vinsælda lesenda.
Eina sögu segir hún af því þegar hún var með aðra hendina í fatla eftir slys og var á leiðinni í gegnum Keflavíkurflugvöll, skömmu eftir að nýr flugvöllur hafði verið tekinn í notkun. Þá var hún með smyglvarning í fórum sínum en þegar tollverðirnir komu að henni bar hún sig aumlega.
„Ég gat ekki borið þetta því ég var með töskuna og svo þurfti ég að bera alla bjórkassana og tollinn sem ég hafði keypt líka. Ég bar mig auðvitað aumlega, með hendina í fatla. Ég rölti út í toll og tollararnir báru þetta allt út á tröppur fyrir mig! Ég smyglaði engu!“
Athugasemdir