Viggó sigmaður telur lækna verðmætasta farminn: „Gerir allar hífingar öruggari og hnitmiðaðri“

Sigmaður Land­helg­is­gæsl­unnar, Viggó Sig­urðs­son, hefur komið að mörgum stórum björg­un­ar­að­gerðum á löngum ferli þrátt fyrir nokkuð ungan aldur. Í nýjasta þætti Sjóarans fer Viggó meðal ann­ars yfir vinnu­að­ferðir sig­manna og mik­il­vægi sam­starfs þeirra við lækna sem eru um borð í þyrlum Land­helg­is­gæsl­unnar.

„Við getum sagt að lækn­ir­inn sé okkar verð­mæt­asti farmur. Við höfum alla jafna þá reglu að vera ekki að slaka lækni niður í aðstæður þar sem líkur eru að hann geti slasast. Því ef að við missum lækn­inn út þá nátt­úru­lega skerðum við þjón­ustu vél­ar­innar gríð­ar­lega. Þannig að í þessu til­felli baðst lækn­ir­inn undan að fara niður og þá er það okkar sig­mann­anna, einnig mennt­aðir sjúkra­flutn­ings­menn, að fara, meta, koma fyrir og þá koma sjúk­ling í hendur á læknum.

Ef að læknir fer niður reynum við alltaf að koma svo­kall­aðri tengi­línu niður. Það gerir allar híf­ingar örugg­ari og hnit­mið­aðri. Ein­faldar alla lend­ingu okkar á þeim stað sem við erum að fara á. Síðan kæmi læknir niður og börur. Lækn­ir­inn færi þá að sinna sjúk­ling og ég færi að græja bör­urnar, koma þeim fyrir og fer svo að aðstoða lækni við sjúk­ling.“

Hægt er að horfa á við­talið við Viggó í heild sinni hér.