Sanna er nýr formaður velferðarráðs: „Lífsreynslan mun vonandi koma að góðum notum í starfi mínu“

Sanna Magda­lena Mörtu­dóttir segir mark­mið sitt í líf­inu vera það að gera allt sem í hennar valdi stendur til að tryggja öllum öruggt heim­ili án fátæktar.

Hin nýkjörni for­maður vel­ferð­ar­ráðs Reykja­vík­ur­borgar, Sós­í­alist­inn Sanna Magda­lena Mörtu­dóttir skrif­aði Facebook-færslu þar sem hún segir segir frá því af hverju hún gekk í raðir Sós­í­alista­flokks­ins á sínum tíma:

„Markmið mitt í líf­inu er að gera það sem hægt er til að tryggja að við getum öll átt öruggt heim­ili laus undan fátækt. Það tekur sinn tíma en er bar­átta sem er nauð­syn­legt að taka þátt í. Þess vegna fór ég að starfa með Sós­í­alista­hreyf­ing­unni sem síðar leiddi til þess að ég og aðrir félagar komumst inn í borg­ar­stjórn. Miklar breyt­ingar urðu í borg­inni þann 21. febr­úar 2025 þegar sam­starf fimm flokka tók gildi. Samstarf sem byggir á félags­legum grunni þar sem við ein­blínum á lífs­gæði í Reykja­vík. Sós­í­alista­flokkur Íslands er því í fyrsta skipti að taka þátt í meiri­hluta­sam­starfi.“

Í seinni hluta færsl­unnar seg­ist Sanna vona að reynsla hennar af fátækt komi sér að notum í starfi hennar í borg­inni og seg­ist hún ætla að nýta þá rúmu 14 mán­uði sem eftir eru af kjör­tíma­bil­inu til að laga það sem þurfi að laga.

„Lífs­reynslan mun von­andi koma að góðum notum í starfi mínu sem nýkjör­inn for­maður vel­ferð­ar­ráðs en á með­fylgj­andi myndum er ég senni­lega átta ára, við mæðgur nýkomnar á biðlista eftir félags­legu leigu­hús­næði. Á þeim tíma þurfti þriggja ára búsetu í sveit­ar­fé­lag­inu til að mega sækja um hús­næði en það var hægt að sækja um að vera und­an­þeg­inn því. Síðan þá hafa reglur breyst. Ég mun nýta þá rúma fjórtán mán­uði sem eftir eru af kjör­tíma­bil­inu eins vel og hægt er og gera mitt besta til að breyta því sem þarf að breyta og laga það sem þarf að laga. Ég þakka traustið sem mér hefur verið sýnt og mun vanda mig eins vel og ég get við að vera for­seti borg­ar­stjórnar.“