Óöryggi og samskiptaleysi í tapleik Íslands

Það var fátt um fína drætti hjá íslenska lands­lið­inu í knatt­spyrnu í leik liðs­ins gegn Kósovó fyrr í kvöld.

Leik­ur­inn var sá fyrsti undir stjórn Arnars Gunn­laugs­sonar og tefldi Arnar fram sókn­djarfara liði en Íslend­ingar eiga að venj­ast. Leik­ur­inn fór fram á heima­velli Kósovó og er hægt að segja að heima­menn hafi stjórnað leiknum frá upp­hafi til enda þrátt fyrir íslenska lands­liðið, og þá sér­stak­lega Orri Steinn, hafi náð að skapa sér góð mark­tæki­færi og að Íslandi hafi verið meira með bolt­ann.

Fyrsta mark leiks­ins skor­aði Lumbardh Dellova á 11. mín­útu eftir að varn­ar­menn Íslands sváfu á verð­inum eftir auka­spyrnu sem send var inn á víta­teig Íslands. Sú for­ysta ent­ist þó ekki lengi en Orri Steinn Ósk­ars­son náði að jafna met­inn með frá­bæru marki eftir glæsi­lega send­ingu frá Ísaki Bergmann.

Það var svo á 57. mín­útu sem heima­menn komust aftur yfir eftir klaufa­skap Hákons Arnars og héldu því rest­ina af leiknum. Bæði lið fengu tæki­færi til að bæta við en nið­ur­staðan 2-1 sigur Kósovó.

Það var furðu­legt að fylgj­ast með leik liðs­ins en leik­menn voru sýni­lega óör­yggir, óákveðnir og orku­lausir. Það á sér­stak­lega við varn­ar­menn Íslands og er í raun ótrú­legt að Aron Einar Gunn­ars­son og Guð­laugur Victor Pálsson hafi klárað leik­inn og í eig­in­lega áfell­is­dómur yfir þeim varn­ar­mönnum sem sátu á bekknum.

Einu ljóst punkt­arnir voru frammi­stöður Hákons Rafns Valdi­mars­sonar og Orra Steins Ósk­ars­sonar.

Ein­kunnir liðs­ins:

Hákon Rafn Valdi­mars­son – 6
Guð­laugur Victor Pálsson – 4
Aron Einar Gunn­ars­son – 4
Sverrir Ingi Ingason – 5
Mikael Egill Ell­erts­son – 5
Ísak Bergmann Jóhann­es­son - 5 (65′)
Hákon Arnar Har­alds­son – 4
Logi Tómasson – 4 (65′)
Albert Guð­munds­son - 5 (65′)
Orri Steinn Ósk­ars­son – 7 – Maður leiks­ins
Andri Lucas Guðjohn­sen – 4

Varamenn:

Arnór Ingvi Trausta­son (65′) – 5
Stefán Teitur Þórð­ar­son (65′) – 5
Jón Dagur Þor­steins­son (65′) – 5

Aðrir spil­uðu of lítið til að fá ein­kunn