Hvernig verður næsti páfi valinn?

Frans páfi, sem lést í vik­unni 88 ára gam­all af völdum heila­blóð­falls í Vatík­an­inu, verður jarð­settur á laug­ar­dag.

Leið­togar heims­ins og trú­aðir munu sækja útför­ina áður en kard­ínálar koma saman til að velja eft­ir­mann hans.

Hér er það sem við vitum um ferlið fram að vali nýs páfa:

- Liggur í opinni kistu -

Lík Frans páfa var flutt í dag til að liggja í opinni kistu í Pét­urs­kirkj­unni, þar sem syrgj­endur geta frá kl. 11:00 veitt honum virð­ingu sína.

Opin kista hans, sem hann hafði fyr­ir­skipað að skyldi vera úr tré og sinki, var sett á ein­faldan við­ar­bekk fyrir framan alt­ari kirkj­unnar, í stað hinna skraut­legu palla sem voru not­aðir fyrir for­vera hans. Hún mun liggja þar í þrjá daga. Fram að því lá kistan í kapellu Casa Santa Marta, heim­ili páfans á meðan hann gegndi emb­ætti í 12 ár.

Þaðan var hún borin af kistu­berum í lit­ríkri skrúð­göngu sem inni­hélt kard­ínála, bisk­upa, munka og nunnur.

- Útför -

Útför Frans páfa fer fram klukkan 10:00 að morgni laug­ar­dags á torg­inu fyrir framan Pét­urs­kirkj­una. Kistan verður síðan flutt aftur inn í kirkj­una áður en hún verður flutt í kirkj­una Santa Maria Maggiore í Róm til greftr­unar.

Leið­togar og trú­aðir alls staðar að úr heim­inum munu streyma til Rómar til að vera við athöfn­ina og votta leið­toga kaþ­ólskra virð­ingu sína. Donald Trump Banda­ríkja­for­seti, Volody­myr Zelensky Úkra­ínu­for­seti og Vil­hjálmur prins hafa lýst því yfir að þeir ætli að vera við­staddir.

Yfirvöld búast við allt að 170 erlendum sendi­nefndum og um 200 þús­und gestum, sem krefst mik­illar örygg­is­gæslu.

- Páfakjör -

Ekki er enn vitað hvenær páfa­kjörið hefst, þar sem 135 svo­kall­aðir „kjörkard­ínálar“ munu velja eft­ir­mann Frans páfa.

Það verður þó að hefj­ast ekki fyrr en 15 dögum eftir and­lát páfans og ekki síðar en 20 dögum eftir.

Kard­ínál­arnir munu hitt­ast í Sixtínsku kapell­unni og kjósa fjórum sinnum á dag, tvisvar fyrir hádegi og tvisvar eftir hádegi, þar til einn fram­bjóð­andi fær tveggja þriðju hluta atkvæða.

Í lok hvers kjör­fundar eru atkvæðin brennd í ofni í kapell­unni og reykur rís yfir post­ula­höll­inni. Ef svartur reykur kemur úr strompi sem snýr út að Pét­urs­torg­inu, þá hefur kosn­ingin ekki borið árangur.

Hvítur reykur merkir að nýr páfi hafi verið kjör­inn.

- Camerlengo -

Camerlengo er æðsti kard­ínáli sem fer með stjórn Vatík­ans­ins á milli dauða páfa og kjörs eft­ir­manns. Írski kard­ínál­inn Kevin Farrell er núver­andi camerlengo.

Hluti af hlut­verki hans er að stjórna fundum kard­ínála, svoköll­uðum „almennum sam­komum“ þar sem teknar eru ákvarð­anir um útfarir páfa og vænt­an­legt páfa­kjör.

Hann er eini yfir­maður Vatík­ans­ins sem heldur stöðu sinni eftir and­lát páfa.

Fyrsti almennur fundur um 60 kard­ínála fór fram á þriðju­dag þegar dag­setn­ing útfar­ar­innar var ákveðin. Annar fundur var fyr­ir­hug­aður síð­degis í dag.