Skóli á Gaza sprengdur í loftárás, börn meðal fórnarlamba

Skóli sem hafði verið breytt í skjól, varð fyrir loft­árás í norð­ur­hluta Gaza-borgar í morgun. Eft­ir­lif­endur hafa verið að leita í rúst­unum og skoða eyði­legg­ing­una. Að minnsta kosti 24 Palest­ínu­menn voru drepnir í árásinni, þar af nokkur börn.

„Þrír frændur mínir, þrjú börn, fór­ust. Þeir voru dregnir út, algjör­lega sviðnir,“ sagði særður Palest­ínu­maður, Ahmed Basal. Ísrael hóf aftur hern­að­ar­að­gerðir í Gaza 18. mars, eftir að tveggja mán­aða vopna­hlé, sem hafði að mestu stöðvað átökin, brast.

„Við vorum sof­andi þegar við sáum skyndi­lega ljós, eins og dóms­dags­ljós, eldur alls staðar. Ég greip dætur mínar og hljóp. Þær slös­uð­ust og faðir þeirra var á bað­her­berg­inu. Stelp­urnar öskr­uðu á eftir honum og við týndum hver annarri,“ sagði Bisan al-Kafarneh, flótta­maður frá Beit Hanoun sem hafði leitað skjóls í skól­anum.

„Á meðan við vorum að flýja sprengdu þeir skól­ann aftur. Fólk öskr­aði, konur grétu og leit­uðu að ást­vinum sínum. Ég veit ekki hvað ég á að segja, fólk hér brann – lif­andi.“

Dætur hennar tvær særð­ust, önnur á baki og hin á fæti. En á al-Shifa sjúkra­hús­inu gátu heil­brigð­is­starfs­menn aðeins sótt­hreinsað sárin, þar sem engar umbúðir voru til.

„Það er líka óhreint og fólk liggur á gólf­inu,“ bætti hún við.

Hér fyrir neðan má sjá umfjöllun Al Jazeera frá því í morgun.