Biskupar Þjóðkirkjunnar vilja að ríkisstjórnin stígi fast til jarðar varðandi Gasa

Bisk­upa­fundur tekur undir yfir­lýs­ingu for­sæt­is­ráð­herra og fleiri þjóð­ar­leið­toga og utan­rík­is­ráð­herrum um að koma þurfi í veg fyrir fleiri hörm­ungar á Gaza en greint er frá þessu í til­kynn­ingu frá Þjóð­kirkju Íslands.

„Við skorum á rík­is­stjórn Íslands og Alþingi að stíga fast til jarðar þegar kemur að stöð­unni á Gaza. Hún er löngu komin út yfir öll mann­úð­leg mörk.

Allar mann­eskjur eru skap­aðar í Guðs mynd og hver ein­asta mann­eskja er jafn dýr­mæt. Frá 7. októ­ber 2023 hafa tugir þús­unda látið lífið í þýð­ing­ar­lausum stríðs­á­tökum. Neyð­ar­að­stoð hefur verið haldið frá íbúum Gaza síðan í jan­úar. Manngerð hung­ursneyð geisar og sak­laust fólk lætur lífið hvern dag. Kristnar kirkjur geta ekki staðið hjá og þagað og það gera bisk­upar Þjóð­kirkj­unnar ekki heldur.“

Þá segja bisk­upanir að á tímum sem þessum upp­lifir fólk sig gjarnan áhrifa­laust en segir að fólki ekki þegja þegar því er mis­boðið. „Við getum beðið fyrir sátt­ar­gjörð og friði. Við getum haft áhrif með því að styðja hjálp­ar­starf með einum eða öðrum hætti. Við getum minnt á, hvar sem við erum stödd hverju sinni, að ofbeldið sem geisar nú fyrir botni Mið­jarð­ar­hafs getur aldrei leitt þessi átaka­mál til lykta– heldur er ofbeldið sjálft vanda­málið.

Sama hve mátt­laus við kunnum að upp­lifa okkur gagn­vart atburðum utan land­steina Íslands megum við aldrei sætta okkur við að ofbeldi, hvar sem er í heim­inum, sé á ein­hvern hátt ásætt­an­legt eða eðli­legur hluti af til­veru okkar. Slík upp­gjöf fer gegn öllu því sem kristin trú stendur fyrir.“

Biskupar Íslands muni minna á slíkt þar til öllum árásum er hætt, sak­lausu fólki þyrmt, öllum gíslum er sleppt og að opnað er fyrir neyð­ar­að­stoð til svæð­is­ins.

„Þá hvetur bisk­upa­fundur íslensk stjórn­völd til þess að halda áfram að beita sér fyrir sátt­ar­gjörð og friði og að alþjóða­lögum verði fylgt, að komið verði á var­an­legu vopna­hléi og leið að rétt­látum friði verði fundin sem tryggir öllum mann­eskjum á svæð­inu færi á að lifa við rétt­læti og var­an­legan frið.“

Undir yfir­lýs­ing­una rita Guðrún Karls Helgu­dóttir, biskup Íslands, Kristján Björns­son, vígslu­biskup í Skál­holti og Gísli Gunn­ars­son, vígslu­biskup á Hólum í Hjalta­dal.