„Árið hófst með óvæntum hörmungum þegar hinn rótgróni Sjálfstæðisflokkur missti herbergi sitt á Alþingi sem hann hafði sofið í svo lengi (80 ár) að hann hélt hann ætti það,“ skrifar Hallgrímur Helgason rithöfundur í pistli á Heimildinni um það sem hann kallar „auðvörn“ þingmanna Sjálfstæðisflokks, Miðflokks og Framsóknarflokks á Alþingi.
Í pistlinum hefur hann þingmennina að háði og spotti með því að þylja dæmi um helstu baráttumál þeirra. Hann segir að sárinda-sirkus sé í gangi með „stórum grátkór og reiðum trúðum“.
„Næsta atriði var hefnd flottu krakkanna: Flokkur fólksins var ekki rétt skráður í ríkisbókhaldið! Skiliði peningunum! Ásökun sem þagnaði skömmu síðar þegar í ljós kom að flottukrakkaflokkurinn hafði heldur ekki verið rétt skráður,“ skrifar Hallgrímur.
„En þá kom stóra trompið. Auðvitað var það engin tilviljun að um tengdamömmumálið heyrðist fyrst hvískrað á kaffistofu Morgunblaðsins, málgagni sárindahópsins. Og nú var ríkisstjórnin svo gott sem fallin, hún hafði átt barn með barni! Gremjan náði hins vegar nýjum hæðum þegar tengdamamman klúðraði málinu og sendi í ofanálag afrit á vonarstjörnu flottu krakkanna.“
Pistilinn í heild má lesa og hlusta á hér.
Athugasemdir