Um hundrað manns mætti fyrir framan Stjórnarráð Íslands í morgun í þeim tilgangi að trufla ríkisstjórnarfund og minna á aðgerðarleysi ríkisstjórnar Kristrúnar Frostadóttur vegna þjóðarmorðsins á Gaza. Í dag var einmitt staðfest opinberlega að hungursneyð ríki nú á svæðinu.
Lætin í mótmælendunum heyrðust vel í miðbæ Reykjavíkur hefur eflaust heyrst mjög vel á ríkisstjórnarfundinum.
Mótmælendur notuðu ýmsar aðferðir til þess að skapa hávaða en þeir voru með gjallarhorn, lúðra, potta og pönnur.
Mannlíf ræddi við Margréti Kristínu Blöndal söngkonu eða Möggu Stínu eins og hún er kölluð, og spurði hana hvort einhverjir ráðherrar hefðu sýnt viðbrögð.
„Engin önnur en þau að þau fóru öll inn bakdyramegin, aumingjarnir sem þau eru, og fóru út bakdyramegin. Lögreglan gætti þeirra mjög vel og ýtti fólki frá bílastæðahliði aftan við stjórnarráðið. Kristrún svaraði mótmælendum sem ávörpuðu hana með konunglegu vinki. Hún er óhugnarlegur aumingi.“
Ljósmyndari Mannlífs mætti á svæðið og myndaði mótmælin eins og sjá má hér fyrir neðan.
Mótmæli
Boðað til skyndimótmæla við utanríkisráðuneytið vegna árása á Íran
Leikstjóri verðlaunakvikmyndar neitaði að taka við friðarverðlaunum
Fréttamaðurinn Don Lemon handtekinn vegna mótmæla gegn ICE
Rithöfundar og fræðimenn þrýsta á bresk yfirvöld vegna hungurverkfallsfanga
Ungur mótmælandi í Íran verður tekinn af lífi
Athugasemdir