Kona berst fyrir lífi sínu eftir að kveikt var í henni í Dyflinni

Fjöl­skylda Alexis Lee Campion, sem átti að halda upp á 44 ára afmælið sitt í dag, hefur stigið fram og tjáð sig tveimur vikum eftir hrylli­lega árás á heim­ili hennar í Oak Downs, Clondalkin í vest­ur­hluta Dyfl­innar.

Alexis opn­aði úti­dyrnar fyrir árás­armanni sem skvetti yfir hana eld­fimu efni og kveikti í henni. Hún liggur nú á gjör­gæslu á Tallaght-sjúkra­hús­inu með nær þriðja stigs bruna­sár á meg­in­hluta lík­am­ans og er í mjög alvar­legu ástandi.

Aðstand­endur hennar, sem vilja ekki láta nafns síns getið, hafa lýst hræði­legum afleið­ingum árás­ar­innar. Andlit Alexis er orðið óþekkj­an­legt, meg­in­hluti lík­am­ans er vaf­inn í sára­um­búðir og henni hefur verið haldið sof­andi, að því er Irish Mirror greinir frá.

Einn fjöl­skyldu­með­limur, sem hefur vakað yfir Alexis á sjúkra­hús­inu, sagði árás­ina „mjög hættu­lega og djöf­ul­lega aðför“.

„Hún var svo fal­leg stúlka og allt líf hennar er nú í rúst. Hún mun aldrei verða sú sama,“ sagði hann.

„Við áttum aldrei von á að þetta myndi þró­ast svona. Hún var að reyna að ná sér á strik og svo ger­ist þetta. Hún hefur gengið í gegnum allt og nú er hún enn í mjög hættu­legri stöðu. Hún er enn á gjör­gæslu og okkur er sagt á hverjum degi að hún sé í mik­illi sýk­ing­ar­hættu, að hún þurfi marg­vís­legar húðígræðslur, hún er með 35 pró­sent bruna­sár, næstum þriðja stigs, og þau hafa brunnið í gegnum húð­ina.“

„Andlitið er mjög illa farið og hún er óþekkj­an­leg. Hún fékk svo mik­inn skaða, í and­lit­inu, háls­inum, brjóst­unum, hand­legg­inn, fót­legg­ina, aftan á fót­unum. Mikið tjón hefur orðið,“ sögðu þau. Þau bæta við að Alexis sé haldið sof­andi og þau viti ekki hvort hún muni nokkru sinni sjá eða ganga aftur, ef hún lifir af.

„Ég veit ekki hvort hún muni sjá aftur, eða tala. Henni er haldið sof­andi. Hún vaknar öðru hvoru og þá er hún svæfð aftur, því þau vilja ekki að hún finni fyrir sárs­auka og gefa lík­am­anum tæki­færi til að gróa.“

Fjöl­skyldan segir Alexis vera „góða mann­eskju“ sem hafi lent í aðstæðum sem hún átti engan þátt í, en hafi nú greitt verðið. Annar fjöl­skyldu­með­limur sagði lækna hafa varað við því að hún gæti dáið.

„Lækn­arnir hafa sagt okkur að hún gæti mögu­lega ekki lifað af. Hún gæti aldrei gengið út af sjúkra­hús­inu. Í augna­blik­inu eru húðígræðslur reyndar að reyna að bjarga augum hennar, nefi og munni. Við höfum verið hjá henni allan tím­ann. Hún vaknar en hjúkr­un­ar­fræð­ing­arnir þurfa að svæfa hana aftur. Hún er vafin umbúðum frá toppi til táar. Ef hún lifir þetta af mun hún þurfa aðstoð allan sól­ar­hring­inn.“

Fjöl­skyldan skilur ekki hvernig árás­ar­menn­irnir, sem eru taldir tengj­ast stað­bundnum fíkni­efna­hóp, gangi enn lausir.

„Ég skil ekki hvernig þeir geta gengið um göt­urnar eftir að hafa gert svona. Hún er enn í lífs­hættu og við verðum að vona það besta.“

Annar fjöl­skyldu­með­limur bætti við:

„Fyrst var mér sagt að hún væri látin, og svo var mér sagt hvað hafði gerst. Ég var nið­ur­brotin. Ég hugsa stöðugt um árás­ina og hversu grimmd­ar­leg hún var. Ég skil ekki hvernig nokkur getur gert svona ungu kon­unni.“

Í fréttum fyrir tveimur vikum kom fram að kær­asti Alexis, Francis Maguire (49), dæmdur inn­brots­þjófur, hafi senni­lega verið aðal skot­mark stað­bund­ins fíkni­efna­hóps. Sama glæpa­gengi reyndi að skvetta eld­fimu efni yfir Maguire, sem náði að forða sér. Hann reyndi síðan að bjarga Alexis með því að slökkva eld­inn með berum höndum og brennd­ist sjálfur.

Degi áður höfðu nokkrir menn komið að húsi Maguire og sögð­ust vitni hafa séð hnífa á þeim. Gardaí (írska lög­reglan) voru kölluð til, en engin form­leg kæra lögð fram. Heim­ildir segja árás­ina vera part af stór­felldu og stig­vax­andi ofbeldi eftir mörg minni­háttar atvik á heim­il­inu síð­ustu ár.

Einhver nágranni greindi frá að fyrir nokkrum árum hafi verið skotið á húsið.

„Þetta er mjög sorg­legt. Það hafa verið ýmis atvik en aldrei neitt svona. Hún átti þetta ekki skilið,“ sagði nágranni.

Málið hefur verið harð­lega for­dæmt og kallar sveit­ar­stjórn­ar­maður eftir því að málið verði rann­sakað sem morð­til­raun. William Joseph Carey, sveit­ar­stjórn­ar­maður Sinn Féin sem býr nálægt árás­ar­staðnum, sagði:

„Þetta er morð­til­raun og það á að rann­saka það sem slíka. Íbúar eru í sjokki. Sumir heyrðu öskrin og sáu afleið­ing­arnar. Það er mikið áfall.“