Philip Young, 49 ára, áður búsettur í Swindon en nú í Enfield, hefur verið ákærður fyrir 56 kynferðisbrot, þar á meðal mörg nauðganabrot, að hafa gefið efni í þeim tilgangi að svæfa eða yfirbuga fórnarlamb til að geta haft við það kynmök, að horfa á kynferðisbrot, vörslu ólöglegra og óviðaeigandi ljósmynda af börnum og vörslu öfgakenndra klámmynda.
Fórnarlambið er Joanne Young, 48 ára, fyrrverandi eiginkona Philip Young, sem hefur sýnt hugrekki og afsalað rétti sínum til nafnleyndar. Þau sjást hér saman á eldri ljósmynd sem birt er í fyrsta sinn.
Philip Young hefur verið úrskurðaður í gæsluvarðhald og á að koma fyrir dóm í Swindon í dag, 23. desember. Samhliða þessu hafa fimm aðrir menn verið ákærðir fyrir brot gegn Joanne, að sögn lögreglunnar í Wiltshire.
Þeir eru:
- Norman Macksoni, 47 ára, frá Sharnbrook. Hann er sagður breskur ríkisborgari. Hann er ákærður fyrir eitt nauðgunarbrot og vörslu öfgakenndra klámmynda.
- Dean Hamilton, 47 ára, með enga fasta búsetu. Hann er breskur karlmaður og er ákærður fyrir eina nauðgun, kynferðislega áreitni og tvö brot um óæskilega kynferðislega snertingu.
- Conner Sanderson Doyle, 31 árs, frá Swindon. Hann er breskur karlmaður, ákærður fyrir kynferðislega áreitni og óviðeigandi kynferðislega snertingu.
- Richard Wilkins, 61 árs, frá Swindon. Hann er breskur karlmaður, ákærður fyrir eina nauðgun og kynferðislega snertingu.
- Mohammed Hassan, 37 ára, frá Swindon. Hann er breskur karlmaður og er ákærður fyrir kynferðislega snertingu.
Fimmmenningarnir hafa verið látnir lausir gegn tryggingu og eiga einnig að mæta fyrir dóm í dag. Allir sex mennirnir eru sakaðir um brot sem áttu að hafa átt sér stað á árunum 2010 til 2023.
Yfirrannsóknarlögreglumaðurinn Geoff Smith, sagði: „Þetta er mikilvæg uppfærsla í afar flókinni og umfangsmikilli rannsókn. Fórnarlambið, Joanne, hefur tekið ákvörðun um að afsala sér lögbundnum rétti til nafnleyndar. Hún hefur fengið stuðning frá sérþjálfuðum lögreglumönnum frá upphafi máls og tók ákvörðunina eftir ítarleg samtöl við lögreglu og stuðningsþjónustur.“
James Foster, saksóknari hjá Crown Prosecution Service, sagði: „Við höfum heimilað ákæru á hendur Philip Young, Norman Macksoni, Dean Hamilton, Connor Sanderson Doyle, Richard Wilkins og Mohammed Hassan fyrir fjölda brota í kjölfar lögreglurannsóknar á alvarlegum kynferðisbrotum gegn Joanne Young yfir 13 ára tímabil. Við höfum metið að sönnunargögn séu næg og að ákæra sé í almannaþágu.“
Athugasemdir