Caleb Vasquez, annar þeirra sem grunaður er um mannskæða árás á stærsti mosku San Diego-borgar, á að hafa hvatt samverkamann sinn til að skjóta sig í höfuðið í skelfilegu myndskeiði sem hann streymdi í beinni útsendingu eftir að þeir höfðu myrt þrjá í árásinni.
Vasquez, 18 ára, sést í farþegasæti hvítrar BMW-bifreiðar sem hann og Cain Clark, 17 ára, notuðu til að flýja frá Islamic Center of San Diego-moskuna.
Myndefnið var tekið upp af myndavél sem þeir höfðu komið fyrir á mælaborði bifreiðarinnar meðan hún var kyrrstæð.
Í myndskeiðinu sést Vasquez ítrekað grípa um hlaup riffils Clarks og beina því að eigin enni. Myndbandið, sem dreifst hefur á samfélagsmiðlum, var án hljóðs.
Að lokum beinist myndavélin eingöngu að Clark í ökumannssætinu. Þar sést hann nota skammbyssu til að skjóta Vasquez tvisvar í höfuðið áður en hann beinir byssunni að sjálfum sér.
Samkvæmt heimildum lögreglu rannsakar FBI nú upptökurnar.
Í beinu útsendingunni sést einnig þegar ungmennin mæta að moskunni og hefja skothríð.
Athugasemdir