Balti blandar sér í ESB-umræðuna

Leik­stjór­inn Baltasar Kormákur hefur blandað sér í umræð­una um mögu­legar aðild­ar­við­ræður Íslands við Evr­ópu­sam­bandið og seg­ist telja að inn­ganga Íslands í sam­bandið yrði jákvæð fyrir Ísland.

Baltasar ræddi málið í hlað­varp­inu Chess After Dark og greindi DV frá ummælum hans. Þar sagð­ist hann upp­haf­lega ekki hafa ætlað að taka þátt í umræð­unni og gerði ráð fyrir að fá hörð við­brögð við afstöðu sinni. Hann teldi sig þó knú­inn til að tala frá hjart­anu.

Baltasar gagn­rýndi meðal ann­ars mál­flutn­ing gegn Evr­ópu­sam­bands­að­ild og sagð­ist eiga erfitt með að með­taka harðan áróður, sér­stak­lega þegar honum væri haldið uppi af fyr­ir­tækjum sem sjálf gerðu upp í evrum. Spurði hann hvers vegna svo miklu fjár­magni væri varið í bar­átt­una gegn aðild.

Hann hafn­aði jafn­framt þeim sjón­ar­miðum að aðild að Evr­ópu­sam­band­inu myndi grafa undan sjálfs­vit­und Íslend­inga og benti meðal ann­ars á Frakka og Spán­verja í því sam­hengi.

Baltasar rifj­aði upp að hafa búið og starfað í Evrópu á árum þegar ferða­frelsi var mun tak­mark­aðra en nú. Að hans mati hafi opn­ari landa­mæri, aukið aðgengi að námi og frjáls­ari við­skipti haft mik­inn ávinn­ing í för með sér.

„Ég held að með því að taka fullt skref inn í þetta væri gæfu­skref fyrir Ísland. Ég trúi því, ein­læg­lega,“ sagði Baltasar.

Hann sagði jafn­framt að í óstöð­ugu alþjóð­legu ástandi væri Íslandi betur borgið í nánu banda­lagi við Evr­ópu­þjóðir sem deildu svip­uðum gildum.