MAST sendir áminningu vegna veikinda hjá íslenskum hestum

Veikindi komu upp í hrossum danska lands­liðs­ins á nýaf­stöðnu Norð­ur­landa­móti íslenska hests­ins í Svíþjóð. Öflugar smit­varnir voru við­hafðar á mót­inu og virð­ist smitið hafa hald­ist innan afmark­aðs hóps hrossa.

Á alþjóð­legum mótum eru hross frá hverju landi hýst aðskilin og lík­ams­hiti þeirra mældur tvisvar á dag. Veik­indin upp­götv­uð­ust því snemma og var sýna­taka þegar hafin til að kanna orsök þeirra.

Nið­ur­stöður rann­sókna voru nei­kvæðar fyrir EHV-1, hesta­in­flú­ensu, anaplasmósu og eCov, svo­kall­aða hita­sótt sem þekkt hefur verið hér á landi frá árinu 1998. Ekki er vitað til þess að fleiri hross hafi veikst eftir að mót­inu lauk og er því talið að hættan sé lík­lega liðin hjá.

Að sögn fram­kvæmda­stjóra Lands­sam­bands hesta­manna­fé­laga voru íslenskir þátt­tak­endur upp­lýstir um stöðu mála og þær smit­varn­ar­ráð­staf­anir sem fylgja skyldi við heim­komu.

Mat­væla­stofnun segir atvikið áminn­ingu um mik­il­vægi smit­varna. Íslenski hrossa­stofn­inn sé ein­angr­aður og hafi tak­markað ónæmi gegn ýmsum sjúk­dómum sem finn­ast erlendis.

Inn­flutn­ingur hrossa, reið­tygja og reið­hanska til Íslands er óheim­ill. Stofn­unin hvetur hesta­menn til að kynna sér smit­varna­reglur vand­lega og fylgja þeim í hví­vetna.