Einkadóttir leikkonunnar Lisu Maxwell látin, 27 ára að aldri

Beau Jessup, einka­barn bresku sjón­varps­leikkon­unnar Lisu Maxwell og eig­in­manns hennar, Paul Jessup, er látin, aðeins 27 ára að aldri. Þetta kemur fram í til­kynn­ingu frá blaða­manna­deild Columbia-háskóla, þar sem Jessup stund­aði fram­halds­nám.

„Columbia Journalism School syrgir frá­fall Beau Jessup, sem var nem­andi í meist­ara­námi okkar,“ segir í yfir­lýs­ingu skól­ans frá 9. nóv­em­ber. „Við vottum fjöl­skyldu hennar, vinum, sam­nem­endum og öllum þeim sem þekktu hana og þótti vænt um hana okkar dýpstu samúð.“

Ekki hefur verið greint frá dán­ar­or­sök.

Áður en hún lést veitti Jessup við­tal við háskóla­blaðið Columbia News þar sem hún ræddi hvernig móðir hennar, leik­konan Maxwell, hefði veitt henni inn­blástur til að leggja blaða­mennsku fyrir sig.

Maxwell er þekkt­ust fyrir hlut­verk sitt sem Samantha Nixon í sjón­varps­þátt­unum The Bill á árunum 2001 til 2009 og sem þátta­stjórn­andi spjall­þátt­ar­ins Loose Women.

„Sem dóttir sjón­varps­leikkonu ólst ég upp við óvenju­mik­inn skiln­ing á því hversu mik­ill munur getur verið á lífi fólks og þeim sögum sem sagðar eru af því,“ sagði Jessup í við­tal­inu sem birt­ist 9. nóv­em­ber.

„Ég sá hvernig blaða­mennska getur varpað ljósi á reynslu fólks, en líka hvernig hægt er að afbaka þá reynslu, ein­falda hana eða breyta henni í opin­bera frá­sögn sem við­kom­andi hefur litla stjórn á.“

Hún bætti við að hún hefði frá unga aldri verið for­vitin um það hver fengi að segja sögur af öðru fólki og hvað gerð­ist þegar þær yrðu aðgengi­legar almenn­ingi.

Jessup hafði áður lokið meist­ara­námi í leik­ritun og hand­rita­gerð við Cambridge-háskóla. Hún nýtti eigin lífs­reynslu til að skilja „mátt og ábyrgð þess að segja sögur“.

Þegar hún var spurð hvað hún hygð­ist taka sér fyrir hendur að námi loknu í maí sagði hún:

„Mig langar að starfa sem blaða­maður og rit­höf­undur og fjalla um fólk, menn­ingu og sam­fé­lags­mál af þeirri nákvæmni sem ég er að læra við Columbia. Ég heill­ast sér­stak­lega af þeim áhrifa­mætti og sam­tíma­leika sem blaða­mennskan hefur, en vil jafn­framt halda áfram að skrifa fyrir leik­hús þegar við­fangs­efnið nýtur sín betur í öðru formi.“

Jessup hafði einnig áhuga á að halda áfram skap­andi skrifum og von­að­ist til að verk hennar næðu nýjum hæðum.

„Meðan ég var í meist­ara­námi í leik­ritun og hand­rita­gerð við Cambridge-háskóla skrif­aði ég mitt fyrsta leik­rit, The Sandbag,“ sagði hún. „Ef mér tekst að skipu­leggja upp­lestur með leik­urum á The Sandbag í Pulitzer Hall á háskóla­svæð­inu get ég tækni­lega séð sagt að fyrsta leik­ritið mitt hafi verið sett upp á Broadway. Að minnsta kosti ef miðað er við land­fræði­lega stað­setn­ingu.“

Maxwell, móðir Jessup, tal­setti einnig per­són­una Kira í kvik­mynd­inni The Dark Crystal frá 1982, sem Jim Henson og Frank Oz leik­stýrðu.

Eftir að hún hætti í The Bill árið 2009 færði Maxwell sig yfir í sápu­óp­erur og lék meðal ann­ars í sjón­varps­þátt­unum Hollyoaks á árunum 2016 til 2017.