Séra Hjördís stóð með foreldrum Bryndísar Klöru á þeirra erfiðustu stundum

Birgir Karl Ósk­ars­son, faðir Bryn­dísar Klöru sem lést árið 2024 eftir fólsku­lega árás á Menn­ing­arnótt, seg­ist ekki lengur bera reiði til bana­manns dóttur sinnar þótt hann hafi ekki fyr­ir­gefið honum. Þetta kom fram í við­tali við Birgi í þætt­inum Segðu mér á Rás 1.

Andlát Bryn­dísar Klöru vakti mik­inn sam­hug meðal þjóð­ar­innar. Í kjöl­farið var Minn­ing­ar­sjóður Bryn­dísar Klöru stofn­aður og mun hann styðja við sér­hæfða ofbeldis- og áfalla­mót­töku Land­spít­al­ans sem hlotið hefur nafnið Bryn­dís­ar­hlíð.

Móttakan verður til húsa í gamla Kenn­ara­skól­anum við Lauf­ás­veg 81. Birgir segir stað­setn­ing­una tákn­ræna enda sé húsið skammt frá fæð­ing­ar­stað Bryn­dísar og staðnum þar sem hún lést.

Í útför hennar kom fram að Bryndísi hefði dreymt um að búa í gömlu timb­ur­húsi í miðbæ Reykja­víkur. Birgir segir því sér­staka til­finn­ingu fylgja því að starf­semin fái heim­ili í slíku húsi.

Í við­tal­inu rifj­aði Birgir einnig upp ómet­an­legan stuðn­ing séra Hjör­dísar Perlu Rafns­dóttur sjúkra­hús­prests meðan Bryndís barð­ist fyrir lífi sínu.

Síðar komst hann að því að móðir Hjör­dísar hafði samið íslenskan texta lags­ins Minning sem flutt var við útför­ina.

Karla­kór­inn Fóst­bræður heldur tvenna minn­ing­ar­tón­leika í Lang­holts­kirkju á laug­ar­dag­inn. Allur ágóði tón­leik­anna rennur óskiptur til Minn­ing­ar­sjóðs Bryn­dísar Klöru og stuðlar þannig að upp­bygg­ingu starf­sem­innar.