Dularfullur grænn geisli olli usla í Kópavogi

Sagðist vera að prufukeyra bílinn þegar hann mældist á 189 km hraða

Nokkur eril­söm verk­efni komu á borð lög­regl­unnar á höf­uð­borg­ar­svæð­inu í gær­kvöldi og í nótt.

Lögregla stöðv­aði öku­mann sem mæld­ist á 189 kíló­metra hraða á klukku­stund þar sem leyfður hámarks­hraði er 80 kíló­metrar. Öku­mað­ur­inn var hand­tek­inn vegna hraðakst­urs­ins en sagð­ist hafa verið að prufu­keyra bif­reið­ina.

Þegar mað­ur­inn var kom­inn inn í lög­reglu­bif­reið varð hann mjög æstur og óút­reikn­an­legur. Hann neit­aði að hlýða fyr­ir­mælum lög­reglu og veitti mót­spyrnu þegar reynt var að hand­járna hann. Þurftu lög­reglu­menn að beita lög­reglu­tökum til að koma honum í hand­járn.

Á lög­reglu­stöð gaf mað­ur­inn munn­vatns­sýni sem reynd­ist jákvætt fyrir fíkni­efnum. Hann var vistaður í fanga­klefa í þágu rann­sóknar máls­ins og á yfir höfði sér bráða­birgða­svipt­ingu öku­réttar auk sekta vegna nokk­urra brota.

Réðst á ökumann og skemmdi bifreið

Við almennt umferð­ar­eft­ir­lit urðu lög­reglu­menn vitni að því þegar karl­maður réðst á öku­mann í bif­reið og síðan á bif­reið­ina sjálfa með þeim afleið­ingum að hún skemmd­ist.

Maðurinn var hand­tek­inn á vett­vangi en hann reynd­ist vera í veru­lega ann­ar­legu ástandi vegna áfengis- og vímu­efna­neyslu. Hann var vistaður í fanga­klefa í þágu rann­sóknar máls­ins.

Lögreglu barst einnig til­kynn­ing um ölv­aðan mann sem lá á bekk. Maðurinn hafði kastað vatni yfir sjálfan sig og var ófær um að gæta eigin hags­muna. Ekki reynd­ist unnt að eiga vit­ræn sam­skipti við hann og var hann því vistaður í fanga­klefa vegna ástands síns.

Í öðru til­viki var til­kynnt um mann sem stóð á miðri akbraut í Reykja­vík. Lögregla hafði uppi á mann­inum sem reynd­ist mjög ölv­aður en sam­vinnu­þýður. Honum var ekið heim.

Fór húsavillt og barði á dyr

Þá var lög­regla kölluð til vegna manns sem virt­ist vera í ann­ar­legu ástandi og barði á dyr íbúð­ar­húss.

Við athugun kom í ljós að mað­ur­inn hafði ein­fald­lega farið húsa­villt. Hann hafði ætlað heim til sín en farið að röngu húsi þar sem húsin tvö voru mjög lík í útliti.

Loks barst lög­reglu til­kynn­ing um að grænum ley­sigeisla væri beint inn um glugga í fjöl­býl­is­húsi í Kópavogi. Lög­reglu­menn fóru á vett­vang en fundu engan sem virt­ist bera ábyrgð á geisl­anum.