Sóttist eftir endurgreiðslu fyrir gistingu en þarf að greiða 834 þúsund

Þýsk kona þarf að greiða gisti­staðnum Arctic Wind í Vogum 834 þús­und krónur í máls­kostnað eftir að hafa tapað máli gegn fyr­ir­tæk­inu. Hún krafð­ist end­ur­greiðslu vegna bók­aðrar gist­ingar sem hún gat ekki nýtt sér þegar heita­vatn fór af í Vogum í kjöl­far eld­goss í febr­úar 2024. Þetta kemur fram í frétt RÚV.

Konan hafði bókað tvö her­bergi á gisti­staðnum dag­ana 8.–13. febr­úar 2024 fyrir 1.092 evrur, sem jafn­gilda um 150 þús­und krónum.

Að morgni 8. febr­úar hófst eld­gos á Reykja­nesskaga og hraun rann yfir Njarð­vík­uræð, sem sér Suð­ur­nesjum fyrir heitu vatni. Vegna heita­vatns­leys­is­ins höfðu rek­endur Arctic Wind sam­band við kon­una og ráð­lögðu henni að afbóka gist­ing­una. Hún mætti samt á gisti­stað­inn sama dag en fékk ekki að gista.

Hér­aðs­dómur Reykja­ness taldi heita­vatns­leysið vera óvið­ráð­an­legt atvik, svo­kallað force majeure, sem gæti leyst fyr­ir­tækið undan ábyrgð vegna þess að ekki var hægt að efna samn­ing­inn.

Þá hafði konan bókað gist­ing­una í gegnum ferða­bók­un­ar­síð­una Expedia en ekki beint hjá Arctic Wind. Dómurinn taldi hana ekki geta borið fyrir sig að samn­ings­skil­málar Expedia væru ósann­gjarnir gagn­vart gisti­staðnum.

Arctic Wind var því sýknað af kröfum kon­unnar, en hún þarf að greiða fyr­ir­tæk­inu 834 þús­und krónur í máls­kostnað.