65 ára kona frá Arizona hefur verið handtekin og ákærð fyrir meint barnsmorð sem átti sér stað fyrir meira en fjórum áratugum í Norður-Dakóta í Bandaríkjunum.
Konan, Nancy Jean Trottier, var handtekin 7. apríl síðastliðinn eftir að ný DNA-tækni tengdi hana við lík nýfædds barns sem fannst árið 1981. Málið hafði lengi legið óupplýst en var nýlega tekið upp að nýju af lögregluyfirvöldum.
Samkvæmt upplýsingum lögreglu er Trottier grunuð um að hafa fætt barnið og síðan kæft það, sett í plastpoka og skilið eftir í skóglendi nærri háskólasvæði í Valley City. Barnið fannst með naflastrenginn enn áfastan. Trottier var nemandi við skólann á árunum 1978 til 1982.
Rannsókn málsins stöðvaðist um árabil, en var síðar endurvakin af lögreglunni í Valley City. Með nýrri erfðatækni tókst að vinna DNA úr líkamsleifunum sem leiddi rannsakendur að Trottier.
Trottier stendur nú frammi fyrir ákæru fyrir morð af sem getur varðað lífstíðarfangelsi án möguleika á reynslulausn ef hún verður fundin sek. Hún kom fyrir dómara fyrr í vikunni, og er gert ráð fyrir að þingfesting fari fram 21. maí næstkomandi.
