Einhverjir almennir borgarar ráku upp stór augu í síðustu viku þegar tilkynnt var að færsluhirðirinn Rapyd á Íslandi hefði skilað methagnaði á síðasta ári.
Töldu sumir að fyrirtækið myndi finna fyrir því að hafa misst mörg hundruð viðskiptavini frá sér vegna sniðgöngu sem efnt var til þegar Arik Shtilman, forstjóri Raypd á heimsvísu, tilkynnti að fyrirtækið styddi aðgerðir Ísrael á Gaza-svæðinu.
Garðar Stefánsson, forstjóri Rapyd á Íslandi, hefur reynt að halda því fram að hið íslenska Rapyd tengist í raun lítið móðurfélagi sínu, til að reyna bjarga því sem hægt er að bjarga hérlendis, við dræmar undirtektir.
Fólk innan fjármálageirans hefur hvíslað sína á milli, frá því tilkynnt var um hagnað Rapyd, að sniðgangan hafi heppnast svo vel að Rapyd á Íslandi hafi neyðst til að taka að sér viðskiptavini sem skilgreindir eru sem „áhættumiklir“ og er þar átt við klámsíður, veðmálastarfsemi og fleira í þeim dúr. Það spili stórhlutverki í metári fyrirtæksins.
Hvort það endi sem áhætta sem er þess virði að taka verður að koma síðar í ljós ...
