Guðrún Hafsteinsdóttir, nýkjörinn formaður Sjálfstæðisflokksins, lék á alls oddi þegar hún kom fram í Vikunni hjá Gísla Marteini Baldurssyni síðustu helgi. Þar var allt milli himins og jarðar rætt. Þar greindi hún með annars frá því að hún borðaði ís næstum því daglega en það skiljanlegt í ljósi fortíðar hennar.

Það sem vakti þó sérstaka athygli margra voru orð hennar um formannsembætti Sjálfstæðisflokksins. Um það sagði hún að það væri kannski löngu tímabært að kona væri í því hlutverki innan flokksins. Mögulega var hún að vísa í Hönnu Birnu Kristjánsdóttur sem reyndi að fella Bjarna Benediktsson úr formannsstólnum árið 2011 en sennilega var hún að ræða þetta á almennum nótum. Það er þó rétt hjá henni að konur í Sjálfstæðisflokknum hafa ekki fengið það traust sem þær hafa augljóslega átt skilið á þeim áratugum sem flokkurinn hefur verið starfandi. Mögulega voru allir að bíða eftir Guðrúnu ...