Yfirvöld sem rannsaka eldsvoðann um áramótin í svissneska bænum Crans-Montana hafa borið kennsl á 24 af þeim 40 sem létust, þar á meðal 11 börn og sex erlenda ríkisborgara en greint er frá þessu í tilkynningu frá yfirvöldum í dag.

Lögreglan á staðnum, sem hafði þegar borið kennsl á átta svissnesk fórnarlömb, tilkynnti að hún hefði borið kennsl á tíu aðra svissneska ríkisborgara - fjórar konur og sex karla á aldrinum 14 til 31 árs - auk tveggja 16 ára Ítala, 39 ára Frakka, 16 ára einstaklings með tvöfalt ríkisfang Ítalíu og Sameinuðu arabísku furstadæmanna, 18 ára Rúmena og 18 ára Tyrkja.

119 manns slösuðust í eldsvoðanum.