Í dagbók lögreglu frá því í gærkvöldi og í nótt er greint frá því að brotist hafi verið inn á skrifstofu og í geymsluhúsnæði í miðbænum. Ekki liggur fyrir hvort einhverju var stolið og er gerandinn ókunnur.

Átta bílstjórar voru teknir fyrir að aka undir áhrifum fíkniefna eða áfengis og voru þeir gripnir meðal annars í Árbænum, Grafarvogi, miðbæ Reykjavíkur, Kópavogi og Garðabæ.

Þá var einn handtekinn í Árbæ vegna gruns um brot á fíkniefnalögum. Hann var látinn laus eftir skýrslutöku.