Einbýlishús við Bröttukinn 23 í Hafnarfirði hefur verið sett á sölu. Um er að ræða hús sem byggt var árið 1900 og hefur verið talsvert endurnýjað. Ásett verð eignarinnar er 119,9 milljónir króna.

Húsið býður upp á þrjár aðskildar íbúðareiningar og er því meðal annars kynnt sem fjárfestingarkostur fyrir þá sem vilja afla leigutekna samhliða eigin búsetu.

Lóðin við húsið er sögð snyrtileg og vel frágengin og þar er hellulagt bílaplan. Staðsetningin er jafnframt sögð hentug fyrir fjölskyldur, enda eru skóli og leikskóli í göngufæri og stutt í helstu þjónustu.

Eigendur eru einnig opnir fyrir eignaskiptum. Til greina kemur iðnaðarhúsnæði í Hafnarfirði að verðmæti allt að 80 milljónum króna eða íbúðarhúsnæði í bænum að verðmæti allt að 60 milljónum króna. Eitthvað sem ekki sést á hverjum degi á fasteignamarkaðanum