Reisulegt einbýlishús við Hraunkamba 1 í Hafnarfirði hefur verið sett á sölu. Húsið var reist árið 1926 og er því orðið 100 ára gamalt. Ásett verð er 139 milljónir króna.

Eignin er alls 195,1 fermetri og skiptist í 57 fermetra kjallara, 54,5 fermetra aðalhæð, 46,8 fermetra ris og 36,8 fermetra bílskúr. Kjallari hússins er steyptur en hæð og ris eru úr timbri og klædd bárujárni að utan. Bílskúrinn er einnig steyptur.

Í húsinu er aukaíbúð með sérinngangi sem gefur möguleika á útleigu. Þá er stór bílskúr við húsið sem samkvæmt fasteignaauglýsingu er nú leigður út fyrir 130 þúsund krónur á mánuði.

Fram kemur í auglýsingu að eignin hafi verið mikið endurnýjuð, bæði að utan og innan. Húsið stendur innst í lokuðum botnlanga á miðsvæðis stað í Hafnarfirði.

Miðbær Hafnarfjarðar er í stuttu göngufæri og fjölbreytta verslun og þjónustu er að finna í nágrenninu. Þá eru leik- og grunnskólar skammt frá auk útivistarsvæðisins á Víðistaðatúni.