Það verður ekki annað sagt en að fólk innan verkalýðshreyfingar Íslands sé steinhissa eftir að greint var frá því að Sólveig Anna Jónsdóttir, formaður Eflingar, hafi tekið þátt í kvöldstund Komið Gott.
Um var að ræða „live“-útgáfu af hlaðvarpsþættinum vinsæla en viðburðurinn var haldinn í Austurbæ. Mátti þar finna rjómann af stjórnmálaelítu Íslands og marga helstu auðmenn landsins en óhætt er að segja að hlaðvarpið tali helst til þeirra sem eru vel yfir meðallaunum.
Sigríður Margrét Oddsdóttir, framkvæmdastjóri Samtaka atvinnulífsins, Ásdís Kristjánsdóttir, bæjarstjóri í Kópavogi, Íris Róbertsdóttir, bæjarstjóri í Vestmannaeyjum, Heiðrún Lind Marteinsdóttir, framkvæmdastjóri SFS, Sigríður Andersen, þingmaður Miðflokksins og Jens Garðar Helgason, varaformaður Sjálfstæðisflokksins, voru meðal þeirra sem voru viðstödd eða tóku þátt í gleðinni en allt þetta fólk á það sameiginlegt að hafa að einhverju leyti barist gegn þeim gildum sem Efling stendur fyrir.
Svo má auðvitað ekki gleyma því að hægt að var að kaupa sæti við svokallað auðmannaborð en slíkt sæti kostaði 90 þúsund krónur.
Það er alveg á tæru að margir félagsmanna Eflingar geta seint látið sig dreyma um slíkan lúxus ...
