Litlu mátti muna þegar fallhlífastökkvari hrapaði til jarðar úr mikilli hæð á föstudaginn var í Bandaríkjunum.

Forsaga málsins er sú að hann, ásamt öðrum stökkvurum, var fenginn til að sýna listir sínar á leik í bandaríska háskólafótboltanum sem fór fram á föstudaginn. Í leiknum áttust við Texas State og Rice og vann Texas State leikinn með 41 stigi gegn 10 stigum Rice. Leikurinn fór fram í Fort Worth í Texas.

Eitthvað misheppnaðist í svifi mannsins og lenti hann í neti sem var fyrir aftan mark á vellinum og féll hann til jarðar eftir að hafa lent í netinu.

Samkvæmt fjölmiðlum í Texas gat maðurinn staðið upp sjálfur án aðstoðar en ljóst er að mun verr hefði getað farið fyrir manninum.