Tveir námuverkamenn létust af völdum metanleka í pólskri námu þar sem gas­sprenging drap 14 manns árið 2022, að sögn rekstraraðila námunnar á þriðjudag.

Slysið varð síðdegis í gær í Pniówek-kolanámunni í Silesíuhéraði í suðurhluta Póllands, að því er rekstraraðilinn Jastrzębska Spółka Węglowa (JSW) greindi frá.

Námuverkamennirnir tveir, sem lýst var sem „mjög reynslumiklum“, voru í 830 metra dýpi neðanjarðar þegar slysið varð, að sögn JSW.

Átta öðrum var bjargað úr námunni.

Pólland, sem enn reiðir sig á kol fyrir nærri 60 prósent af orkuframleiðslu sinni, hefur orðið vitni að fjölda námuslysa á undanförnum árum.

Í apríl 2022 drap metangas­sprenging í sömu Pniówek-námu 14 námuverkamenn og neyðarstarfsmenn. Pólska ríkissjónvarpið TVP greindi frá því að 15 manns hefðu látist í námum landsins á þessu ári.

Pólland stefnir að því að breyta hagkerfi sínu sínu þegar kemur að orkumálum og hyggst loka nokkrum námum á næstu áratugum.