Óhætt er að segja að Ari Edwald hafi verið aðalfréttaefni gærdagsins en hann var kynntur sem oddviti Miðflokksins í Reykjavík í komandi sveitarstjórnarkosningum. Ari var settur undir smásjá fjölmiðla og var mikið gert grín að því í athugasemdakerfum fjölmiðla að hann hefði ekki búið í Reykjavík í um það bil 15 ár og er með lögheimili í Portúgal.

Annað sem vakti athygli í þeim viðtölum sem forstjórinn fyrrverandi fór í í gær er hversu ítarlega hann fór eftir fyrir fram skrifuðu handriti þegar kom að svara ákveðnum spurningum. Hægt væri að taka hljóðbrot úr viðtölum gærdagsins og spila þau samtímis án þess að nokkur myndi taka eftir einhverju óvenjulegu ...