Nú stefnir í hörkuátök um meirihlutann á Seltjarnarnesi þar sem Þór Sigurgeirsson bæjarstjóri stjórnar málum í krafti meirihluta Sjálfstæðisflokksins sem hefur farið með meirihluta í bæjarfélaginu um áratugaskeið eða frá upphafi bæjarfélagsins. Prófkjör verður hjá flokknum á næstunni. Þátttaka þar er vægast sagt döpur en aðeins átta manns taka þátt. Fyrir seinustu kosningar voru þátttakendur 14. Þór bæjarstjóri gefur einn kost á sér í fyrsta sæti.
Flokkurinn hélt meirihlutanum naumlega fyrir síðustu kosningar með aðeins 50,1 prósent atkvæða. Þá voru tvö önnur framboð um hituna. Nú stefnir í að Samfylking, Viðreisn og Óháðir bjóði fram sameiginlegan lista sem vekur hroll í herbúðum Þórs. Gagnrýnt er að fjármál sveitarfélagsins séu í ólagi. Skuldir hafi aukist um 2,7 milljarða króna. Þá hafa loforð meirihlutans um rekstarhagnað ekki staðist. Þór mun hafa lofað 100 milljónum króna í hagnað á síðasta ári og nú stefnir í halla upp á 600 milljónir króna. Þetta kom fram í árslok.
Tveir bæjarfulltrúar Sjálfstæðisflokksins ætla að hætta í ár. Náfrænka Bjarna Benediktssonar af Engeyjarætt, Ragnhildur Jónsdóttir, mun hverfa á braut eftir aðeins eitt kjörtímabil og sömuleiðis Magnús Örn Guðmundsson, sem keppti við Þór um oddvitasætið en laut í gras. Titringur er innan Sjálfstæðisflokksins þar sem sumt bendir til þess að þau sögulegu tímamót nálgist að flokkurinn missi meirihluta sinn ...
