Alþingi ákvað að þjóðaratkvæðagreiðsla skyldi fara fram þann 29. ágúst og ákvað orðalag þeirrar spurningar sem kjósendur greiða atkvæði um en tilgangurinn er að fá fram afstöðu þjóðarinnar til þess hvort Ísland eigi að hefja á ný aðildarviðræður við Evrópusambandið.

Þjóðaratkvæðagreiðslan fjallar um aðildarviðæður, ekki um það hvort Ísland verði aðili að ESB.

Ef niðurstaðan verður „já“ hefjast aðildarviðræður á ný. Það gæti að lokum leitt til þess að Ísland gangi í Evrópusambandið.

Þjóðaratkvæðagreiðslan er þó ekki endanleg ákvörðun um það. Ýmis fleiri skref þyrfti að stíga, m.a. þyrfti að breyta stjórnarskránni og ríkisstjórnin hefur boðað að önnur þjóðaratkvæðagreiðsla verði haldin um hvort Ísland eigi að gerast aðili að ESB.

Ef niðurstaðan verður „nei“ hefjast aðildarviðræður ekki á ný og Ísland verður ekki aðili að Evrópusambandinu