Konur fá síður boð um inngripasmeðferðir, eins og skurðaðgerðir eða sterk verkjalyf, en karlar sem þjást af sömu sjúkdómum. Þetta sýnir ný yfirlitsrannsókn sem vísindamenn við University of St Andrews í Skotlandi gerðu.
Rannsakendur greindu 41 skýrslu skjúklinga sem gefnar voru út á árunum 2018 til 2023. Þeir komust að því að þetta mynstur sýndi sig ítrekað innan hjartalækninga, skurðlækninga, ígræðslulækninga og bráðamóttöku.
Helstu niðurstöður rannsóknarinnar:
- Hjartasjúkdómar: Konur sem fengu hjartabilun, hjartaáfall eða hraðtakt voru líklegri til að fá lyfjameðferð í stað inngripa eins og hjartahjáveituaðgerðar eða kransæðavíkkunar.
- Parkinsonsveiki: Karlmenn voru líklegri til að vera vísað í djúpheilaörvun (ígræðslu á tæki sem stýrir einkennum).
- Líffæraígræðslur: Konur voru ólíklegri til að fá lifrarígræðslu eða að vera vísað í skurðaðgerð.
Af hverju er þessi munur?
Ástæðurnar liggja ekki fyllilega fyrir en samkvæmt Miriam Veenhuizen, stundakennara við læknadeild St Andrews, er mjög líklegt að þetta megi rekja til þess að konur voru vangreindar eða ekki eins hlustað á í klínískum rannsóknum áratugum saman. Fyrir vikið byggja margar læknisfræðilegar leiðbeiningar fyrst og fremst á gögnum sem safnað var frá karlmönnum.
Rannsakendur kalla eftir frekari rannsóknum til að komast að því hvort þessi munur endurspegli eðlilegan breytileika í klínískum aðstæðum eða víðtækara ójafnrétti, svo hægt sé að tryggja öllum sjúklingum jafna og rétta umönnun.
