Sundþjálfari hjá KR var handtekinn í Laugardal í gær, grunaður um að hafa ráðist á sundþjálfara Gróttu og ógnað honum með hnífi. Atvikið átti sér stað fyrir stefnumótunarfund Sundsambands Íslands í húsakynnum ÍSÍ við Engjaveg.

Samkvæmt heimildum Vísis veittist maðurinn að þjálfara Gróttu með höggum áður en hann greip til hnífs. Hann ók síðan af vettvangi og veitti lögregla honum eftirför. Lögreglumenn þurftu að aka á bifreið hans til að stöðva förina.

Þjálfari Gróttu hlaut áverka og leitaði læknisaðstoðar. Hinn grunaði var yfirheyrður en sleppt úr haldi í morgun. Málið er enn til rannsóknar hjá lögreglu.