Á meðal rithöfunda gætir nokkurs óþols gagnvart sænsku efnisveitunni Storytel sem þykir vera á mörkum þess að arðræna höfunda í skjóli ákveðinnar einokunar. Þó nokkrir hafa tekið sig saman um að láta Svíana ekki hafa verk sín. Maðurinn að baki velgengni Storytel á Íslandi er gítarleikarinn Stefán Hjörleifsson sem sópaði inn yfir 20 þúsund notendum. Stefán var svo óheppinn að særa ítrekað blygðunarkennd samstarfskvenna sinna hjá Storytel í samkvæmi. Í framhaldinu hrökklaðist hann frá Svíunum en sagðist tengjast þeim áfram sem tryggur hluthafi.
Nú hefur kvisast út að Stefán sé að reisa nýja hljóðveitu í samkeppni við sína gömlu samherja. Að þessu sinni eru bakhjarlar hans Árvakur og Mogginn og þar með auðkonan Guðbjörg Matthíasdóttir sem teygir anga sína víða um íslenskt athafnalíf og græðir jöfnum höndum á fiski, brauðgerð og mæjonesi. Mikill vill meira og íslenskum rithöfundum býðst nú að láta arðinn renna til Guðbjargar ...
Athugasemdir