Liðhlaup Ingvars Þóroddssonar frá Viðreisn og yfir í Sjálfstæðisflokkinn skapaði honum korter af frægð í fyrradag. Mélkisuleg viðbrögð Guðrúnar Hafsteinsdóttur, formanns Sjálfstæðisflokksins, vekja einnig athygli. Guðrún bauð hann hjartanlega velkominn og sagði mikinn feng í honum.
Eiríkur Bergmann, prófessor á Bifröst, fór yfir það í Kastljósi Sjónvarpsins að liðhlaupar í stjórnmálum eru gjarnan einnota og á endastöð. Það getur hjálpað Ingvari að Guðrún er í miklum vandræðum innan eigin flokks þar sem hópur hennar manna vill henda henni út.
Ókrýndur foringi andófsmanna er Jens Garðar Helgason, varaformaður flokksins, sem ásamt Jóni Gunnarssyni alþingismanni og fleirum hefur grafið leynt og ljóst undan formanni sínum. Liðhlaupinn Ingvar gæti styrkt stöðu formannsins en hann er hvikult hnoss og ástin er eitruð. Víst þykir að við komandi kosningar muni hann hljóta sömu örlög og aðrir hans líkar og enda á ruslahaugi sögunnar ...
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir