Mennta- og barnamálaráðuneytið hefur tekið saman föggur sínar í Borgartúni og flutt sig um set í miðbæ Reykjavíkur.

Ráðuneytið flutti starfsemi sína í dag í nýtt húsnæði að Kalkofnsvegi 2, þar sem starfsfólkið hefur komið sér fyrir á sjöttu hæð hússins.

Eins og gjarnan fylgir flutningum gæti tekið smá tíma að koma öllu í réttar skorður. Ráðuneytið varar því við því að einhver röskun geti orðið á þjónustu þess næstu daga á meðan starfsfólk kemur sér fyrir og starfsemin kemst aftur í eðlilegt horf.

Ráðuneytið biðst velvirðingar á þeim óþægindum sem flutningarnir kunna að valda.