Leikararnir Jóhannes Haukur Jóhannesson og Hafþór Júlíus Björnsson létu sig auðvitað ekki vanta á frumsýningu á He-Man myndinni Masters of the Universe sem fór fram í gær í Hollywood.
Myndin markar endurkomu hinnar sígildu ævintýrasögu um He-Man á hvíta tjaldið. Myndinni er leikstýrt af Travis Knight. Um er að ræða aðra kvikmyndina í leikinni mynd byggða á efninu, en sú fyrri kom út árið 1987.
Nicholas Galitzine fer með hlutverk Prins Adams, betur þekktan sem He-Man, en auk hans fara Camila Mendes, Alison Brie, James Purefoy, Morena Baccarin, Kristen Wiig, Jared Leto og Idris Elba með önnur lykilhlutverk.
Söguþráður myndarinnar fylgir Prins Adam þegar hann snýr aftur til heimaplánetunnar Eterníu til að verja hana og alheiminn allan gegn illum öflum Beina. Myndin er sögð sameina ævintýri, fantasíu og hasar með nútímalegri nálgun á hina klassísku sögu.
