Hávært slúður hefur undanfarnar vikur og mánuði, innan úr Samfylkingunni, gefið til kynna að Kristrún Frostadóttir, forsætisráðherra Íslands og formaður flokksins, og önnur ríkjandi öfl vilji fá nýjan oddvita í Reykjavík fyrir sveitarstjórnarkosningar næsta vor.
Heiða Björg Hilmisdóttir, borgarstjóri Reykjavíkur og oddviti flokksins í Reykjavík, er sögð vilja halda áfram og muni ekki láta forsætisráðherrann stoppa sig.
Tilkynnt var í vikunni að flokkurinn muni halda prófkjör fyrir efstu sex sæti í borginni fyrir kosningarnar og er Kristrún sögð vera leitast eftir frambjóðanda sem gæti hrifsað efsta sætið af Heiðu. Er forsætisráðherrann sagður vera sérstaklega að leitast eftir konu en samkvæmt reglum flokksins gæti Heiða þá ekki endað ofar en í 3. sæti á listanum verði kona í því fyrsta.
Þá hafa orð sem Björk Vilhelmsdóttir, formaður fulltrúaráðs flokksins, lét falla um að nú sé mikið tækifæri fyrir endurnýjun vakið litla gleði hjá borgarstjóranum ...
