Breski blaða-og fjölmiðlamaðurinn Medhi Hasan lét majór í Ísraelshers og talsmann hersins, Doron Spielman, heyra það í viðtali í þætti Piers Morgan, Piers Morgan: Uncencored í gær en myndskeið úr þættinum hefur farið á dreifingu á samfélagsmiðlunum.

Í klippunni segir Medhi, sem er harður andstæðingur ríkisstjórnar Benjamins Netanyahu, við Piers að Íran sé ekki aðal „skúrkaríki“ Miðausturlanda, heldur Ísrael.

„Ég heyri hann [Spielman] tala um skrímsli sem stjórni ríkisstjórn, andlit óttans, kjarnorkuvopn. Hvaða þjóð erum við að tala um hér? Íran eða Ísrael? Því mig langar að spyrja áhorfendur nokkurra spurninga sem þeir geta hugsað um á meðan þeir hlusta á Donan hér. Hvaða land í Miðausturlöndum er með kjarnorkuvopn? Það er ekki Íran, það er Ísrael. Hvaða land hefur ekki skrifað undir samninginn um bann við dreifingu kjarnavopna? Það er ekki Íran, það er Ísrael. Hvaða land hefur hunsað ályktur Öryggisráðs Sameinuðu þjóðanna sem kveður á um að landið opni kjarnorkuaðstöðu fyrir rannsakendum Alþjóðakjarnorkumálastofnunarinnar? Það er ekki Íran, það er Ísrael. Hvaða land réðist á sex lönd í Miðausturlöndum á síðasta ári? Sex. Það var ekki Íran, það var Ísrael. Þannig að þrátt fyrir margar syndir Írans og glæpi, er Íran ekki skúrkaríkið með kjarnorkusprengjurnar í Miðausturlöndum núna, það land er Ísrael.“

Medhi heldur áfram og bendir á fyrri orð Piers Morgan í þættinum þar sem hann sagði flesta telja Ísrael vera ógn við frið í Miðausturlöndum og heiminum öllum. Hann bendir einnig á að Piers hafi sagt að Benjamin Netanyahu, forsætisráðhera Ísraels, hafi dregið bandaríska forseta úr Repúplikanaflokknum inn í stríð og nefnir Íraksstríðið og nú Íransstríðið.

Í öðru myndskeiði úr þættinum, sem sjá má hér að neðan spyr Medhi Spielman hvernig hann sofi á nóttunni.

„Doron, herinn þinn var að drepa 300 manns á aðeins 10 mínútum í síðustu viku. Þið sprengduð upp börn í barnavögnum. Þið drápuð ársgamalt barn í jarðarför. Þið drápuð 300 manns á einum degi í Líbanon í síðustu viku. Þið fylltuð sjúkrahúsin. Þið sprengduð hjálparmiðstöðvar.“

Spielman reynir að malda í móinn spyr Medhi hver hafi skapað þann vígvöll en Medhi svarar að bragði:

„Þið gerður það. Þið rifuð vopnahléið við Hezbolla 15.000 sinnum. Þið rifuð vopnahléið 15.000 sinnum samkvæmt Sameinuðu þjóðunum.“

Þegar Spielman segist ekki hafa heyrt þessar tölur segir Medhi: „Doron, ég veit að þú ert ekki mikið fyrir staðreyndir, er það nokkuð? En þú hefur ekki komið með eina einustu staðreynd í þessu samtali. 15.000 vopnahlésbrot. Af hverju rifuð þið vopnahléið við Hezbollah?“

Spielman heldur því þá fram að herinn hafi varað fólk við árásum, svo hægt væri að drepa Hezbollah-liða en því mótmælir Medhi.

„Nei. Af hverju drápuð þið þá 300 manns á 10 mínútum? Af hverju frömduð þið 7. október Líbanons í síðustu viku? Af hverju drápuð þið 300 manns? Doran, skammastu þín ekkert fyrir það að herinn þinn slátraði 300 manns á 10 mínútum? Hvernig sefurðu á nóttunni, styðjandi her sem slátrar 300 manns á 10 mínútum?“

Hið magnþrungna rifrildi hélt áfram en hægt er að horfa á allt myndbandið hér fyrir neðan.