Dagur íslenskrar tungu verður haldinn hátíðlegur sunnudaginn 16. nóvember og verður það í 30. sinn sem hann er haldinn.
„Dagurinn er haldinn hátíðlegur á fæðingardegi Jónasar Hallgrímssonar. Þann dag eru árlega veitt verðlaun og viðurkenning fyrir störf í þágu íslenskrar tungu og efnt til margvíslegra menningarviðburða. Í aðdraganda dagsins kemur vika íslenskunnar og þá er almenningur og fyrirtæki, skólar og aðrar stofnanir, hvött til að gera íslenskri tungu hátt undir höfði,“ segir í tilkynningu frá menningar-, nýsköpunar- og háskólaráðuneytinu.
Menningar- nýsköpunar- og háskólaráðherra, Logi Einarsson veitir verðlaun Jónasar Hallgrímssonar og viðurkenningu íslenskrar tungu á þessum frábæra degi og nýtur við það verkefni stuðnings sérstakrar ráðgjafarnefndar. Nefndin vinnur tillögur sínar til ráðherra meðal annars upp úr ábendingum sem almenningur getur sent inn en Ari Eldjárn fékk verðlaunin í fyrra.
Þessi hafa hlotið Verðlaun Jónasar Hallgrímssonar:
Vilborg Dagbjartsdóttir skáld og grunnskólakennari, 1996
Gísli Jónsson menntaskólakennari, 1997
Þórarinn Eldjárn rithöfundur, 1998
Matthías Johannessen, skáld og ritstjóri, 1999
Magnús Þór Jónsson, Megas, 2000
Ingibjörg Haraldsdóttir, skáld og þýðandi, 2001
Jón Böðvarsson, 2002
Jón S. Guðmundsson, 2003
Silja Aðalsteinsdóttir, 2004
Guðrún Helgadóttir, 2005
Njörður P. Njarðvík, 2006
Sigurbjörn Einarsson, 2007
Herdís Egilsdóttir, kennari, 2008
Þorsteinn frá Hamri, rithöfundur og skáld, 2009
Vigdís Finnbogadóttir, velgjörðarsendiherra Sameinuðu Þjóðanna í tungumálum, fyrrverandi forseti Íslands og leikhússtjóri, 2010
Kristín Marja Baldursdóttir rithöfundur, 2011
Hannes Pétursson rithöfundur, 2012
Jórunn Sigurðardóttir, dagskrárgerðarmaður, 2013
Steinunn Sigurðardóttir rithöfundur 2014
Guðjón Friðriksson sagnfræðingur 2015
Sigurður Pálsson skáld 2016
Vigdís Grímsdóttir, rithöfundur, 2017
Eiríkur Rögnvaldsson, prófessor emeritus í íslenskri málfræði, 2018
Jón G. Friðjónsson prófessor, 2019
Gerður Kristný, skáld, 2020
Arnaldur Indriðason, rithöfundur 2021
Bragi Valdimar Skúlason skáld, grínisti, auglýsingamaður og uppfræðari, 2022
Áslaug Agnarsdóttir þýðandi, 2023
Ari Eldjárn, uppistandari, 2024
