Lögreglan í Toronto í Kanada sætir harðri gagnrýni á internetinu eftir að myndband var birt af henni að taka meintan glæpamann fastan.

Í myndbandinu sést lögreglan skjóta mann á flótta með rafbyssu og fellur maðurinn í jörðina í kjölfarið. Lögreglumenn hlupu að manninum í framhaldinu til að handjárna manninn en þá byrjar lögreglubíll að renna á manninn og lögreglumennina en lögreglumaðurinn gleymdi að stöðva ökutækið áður en hann fór út því.

Þá hoppar lögreglumaður í bílinn en setur í vitlausan gír og ekur lögreglubílnum áfram yfir mennina og bakkar svo.

Að sögn lögreglu slasaðist enginn alvarlega en lögreglan var kölluð á svæðið vegna mannsins sem er sagður hafa skemmt bíla og notað hníf til þess.

Yfirvöld eru sögð vera að rannsaka framkvæmd handtökunnar.