Það eru fáir sem hefur verið gert grín að meira á árinu en Ara Edwald, oddvita Miðflokksins í Reykjavík, eftir að hann birti myndband af sér akandi án beltis í göngugötu á nagladekkjum í leit að bílastæði.

Í viðtali við Vísi gerir Ari þó lítið úr þessu og segist hafa húmor fyrir þessu sjálfur enda veki umræðan áhuga á myndbandinu.

Það má þó vel vera að umræðan geri það en það liggur ljóst fyrir að Ari hefur nákvæmlega engan húmor fyrir þessu máli en oddvitinn var mættur í athugasemdakerfi Mannlífs á samfélagsmiðlum eftir að fjallað var um ökuferðina þar sem hann gaf í skyn að Mannlíf væri ekki fjölmiðill heldur „hatarasíða“ eins og forstjórinn fyrrverandi orðaði það.

Það virðist því ekki þurfa mikið til að koma hinum tilvonandi borgarfulltrúa úr jafnvægi, þó hann haldi öðru fram ...